Küveytdə parlamentlə davam edən böhran səbəbindən yanvarın 23-də istefa verən hökumətin istefası qəbul edilib.


İqtisadiyyat.az xəbər verir ki, Küveytin vəliəhd şahzadəsi Meşəl əl-Əhməd əl-Cabir əs-Sabah 2022-ci ilin oktyabrında yaradılan Şeyx Əhməd Nəvaf əl-Əhməd əs-Sabahın rəhbərlik etdiyi hökumətin istefasını qəbul edən fərman verib.

Fərmanda istefası qəbul edilən hökumətin müvəqqəti hökumət kimi fəaliyyətini davam etdirəcəyi qeyd edilib.

Bildirilib ki, fərman dərc edildiyi gündən qüvvəyə minib.

Ölkədə qanunvericilik və icra hakimiyyəti orqanları arasında böhran yanvarın 10-dan başlayıb. Hökumət üzvləri “Vətəndaşların kredit borcunun azaldılması haqqında” qanun layihəsini rədd edərək, Məclisin iclasından çıxıblar.