Sabirabad rayonunda Kür çayının üzərində üzən nasos stansiyası və suqəbuledici qurğu tikiləcək.

İqtisadiyyat.az xəbər verir ki, bununla bağlı Azərbaycan Dövlət Su Ehtiyatları Agentliyinin tabeliyindəki Tikilməkdə Olan Obyektlərin Müdiriyyəti hazırlıqlara başlayıb.

Qeyd edilib ki, məqsəd Sabirabad və Salyan rayonlarında yerləşən qış otlaqlarında meliorativ tədbirlərin aparılmasıdır.

Tikinti işlərinin 2,5 milyon manata başa gələcəyi ehtimal olunur.