Ukraynanın hakim komandasının tərkibindəki hər hansı bir dəyişiklik Qərblə münasibətlərə təsir edə bilməyəcək. 

İqtisadiyyat.az xəbər verir ki, bunu Ukraynanın xarici işlər naziri Dmitri Kuleba Kiyevdə portuqaliyalı həmkarı Joao Qomeş Karvinyo ilə keçirdiyi birgə brifinqdə deyib.

"Hökumətdə hər hansı dəyişikliyin tərəfdaşlarla münasibətlərimizə təsir edə biləcəyini düşünmürəm, çünki tərəfdaşlarımız prezidentin müvafiq qərarlar qəbul etmək hüququna hörmət edirlər. Bu, Ukrayna prezidentinin konstitusiya ilə təmin edilmiş suveren hüququdur", - Kuleba bildirib. 

Kuleba həmçinin əlavə edib ki, komanda daxilində taktika ilə bağlı müzakirələr "strateji məqsəd"lə bağlı fikir ayrılıqları demək deyil.