28 May metrosu yaxınlığında küçədə yıxılaraq huşunu itirən tanınmış şair, publisist Balayar Sadiq xəstəxanadan evə buraxılıb.

Bu barədə İqtisadiyyat.az-a onun yaxınları məlumat verib.

Bildirilib ki, onun Kliniki Tibbi Mərkəzdə stasionar şəraitdə müalicə proseduru yekunlaşıb.

Şair bu gün evə yollanıb və müalicəsi ev şəraitində davam etdiriləcək.

Qeyd edilib ki, B.Sadiqin nitq qabiliyyəti də tədricən bərpa olunmaqdadır.

Xatırladaq ki, şair B.Sadiq oktyabrın 22-də 28 May metrosunun yaxınlığında huşunu itirərək yerə yıxılıb. Ətrafdakı insanlar ona kömək etsələr də, şairin huşunun özünə gəlmədiyi məlum olub.

Nitqini itirən şair hadisə yerinə çağırılmış təcili yardım avtomobili ilə xəstəxanaya yerləşdirilib.

Qeyd edək ki, B.Sadiq 1965-ci ildə Lerik rayonunda anadan olub.