Ermənistanın təşkilatda işi davam edir, həmçinin İrəvanın KTMT çərçivəsində çoxtərəfli əlaqələri işlək qaydadadır, Ermənistan müttəfiq olub və elə qalır.
İqtisadiyyat.az xəbər verir ki, bu barədə KTMT-nin baş katibi İmanqali Tasmaqambetov "International Life" jurnalına yazdığı məqaləsində bildirib.
Onun sözlərinə görə, son illərdə Ermənistanla Azərbaycan arasında münasibətlər, Qırğızıstan və Tacikistan arasında sərhəd münaqişəsi təşkilat üçün ən problemli məsələyə çevrilib.
"Cənubi Qafqazdakı son dərəcə narahatedici vəziyyətə, xüsusən də Qarabağ probleminə gəlincə, qeyd etmək lazımdır ki, təşkilat Ermənistan-Azərbaycan sərhədində vəziyyətin monitorinqi üçün sülhməramlı missiya göndərməyə hazır idi, lakin bu işin yekun hissəsində İrəvan sülh müqaviləsinin imzalanması ilə Bakı ilə bağlı müvafiq sənədin gündəmdən çıxarılmasını xahiş edib. Eyni zamanda, Ermənistanın təşkilatda işi davam edir, İrəvanın KTMT çərçivəsində çoxtərəfli əlaqələri işlək qaydadadır, Ermənistan müttəfiq olub və elə qalır. KTMT ölkələri öz növbəsində Ermənistan Respublikası ilə müttəfiqlik əlaqələrinin inkişafına diqqətini davam etdirir", - deyə Tasmaqambetov vurğulayıb.
