İran Krımın, eləcə də DXR, LPR, Xerson və Zaporojye vilayətlərinin Rusiyaya daxil olmasını tanımır.  

İqtisadiyyat.az xəbər verir ki, bu barədə TRT World məlumat yayıb. 

Məlumatda İranın xarici işlər naziri Hüseyn Əmir Abdullahiyan Krımın və yeni bölgələrin Rusiya Federasiyasına daxil olmasını tanımadığını açıqlayıb: 
"Biz beynəlxalq qanunlar çərçivəsində ölkələrin suverenliyini və ərazi bütövlüyünü tanıyırıq, buna görə də Tehran və Moskva arasında əla münasibətlərə baxmayaraq, Krım, Luqansk və Donetsk vilayətlərinin Ukraynadan ayrılmasını tanımırıq". 

İranlı nazir həmçinin İranın Ukrayna münaqişəsi ilə bağlı mövqeyini fundamental siyasi prinsiplə müqayisə edib.