"Ölkə iqtisadiyyatında investisiyaların artımına kəskin şəkildə ehtiyac var".
Bu fikri İqtisadiyyat.az-a açıqlamasında iqtisad üzrə elmlər doktoru, professor Elşad Məmmədov deyib.
Onun sözlərinə görə, uçot dərəcəsi vasitəsilə pul-kredit siyasətinin tənzimlənməsi kifayətedici hesab oluna bilməz:
"Azərbaycanda uçot dərəcəsinin ölkə iqtisadiyyatındakı investisiya artımına təsiri çox məhduddur. Ona görə də şaxələnmiş şəkildə iqtisadiyyata əlçatan resurslar istiqamətlənməlidir. Bu nöqteyi-nəzərdən kreditlərin əlçatan olmasına ehtiyac var. İqtisadiyyatın müxtəlif sahələri üzrə yumşaq rentabellik göstəricilərinə uyğun kredit resursları təklif olunmalıdır. Bu fonda pul-kredit siyasəti də kəskin şəkildə yumşalmalıdır".
Qeyd edək ki, Azərbaycan Mərkəzi Bankı yanvarın sonunda uçot dərəcəsinin azaldılması barədə qərar qəbul edib. Qərara əsasən, uçot dərəcəsi 8%-dən 7.75%-ə, faiz dəhlizinin aşağı həddi 6.5%-dən 6,25%-ə, faiz dəhlizinin yuxarı həddi isə 9%-dən 8.75%-ə endirilib.
Gülşən Şərif