"Prezident Vuçiç və Serbiya qurumlarını dərhal Kosovo sərhədindən bütün qoşunları geri çəkməyə çağırırıq".

İqtisadiyyat.az xəbər verir ki, bu barədə ABŞ-nin Serbiya əsgərlərinin Kosovo sərhədi boyunca yerləşdirildiyini elan etməsindən sonra verdiyi açıqlamada Kosovo hökuməti bildirib: 

Kosovo hökumətindən verilən açıqlamada, Serbiya prezidenti Aleksandr Vuçiçə və Serb qurumlarına çağırış edilib: "Dərhal Kosovo sərhədindəki bütün qoşunları geri çəkin".

“Serb qoşunlarının Kosovo sərhədinə yeridilməsi Serbiyanın ölkəmizin ərazi bütövlüyünü təhdid edən növbəti addımıdır”, - bəyanatda deyilir. 

Priştina administrasiyasının beynəlxalq tərəfdaşları ilə koordinasiyada olduğu və “Kosovonun ərazi bütövlüyünü qorumaqda həmişəkindən daha qətiyyətli” olduğu bildirilib. Həmçinin serblərin zenit sistemləri və ağır artilleriya ilə sərhəddə yerləşdiyi də ifadə olunub: "Kosovo Respublikası Serbiyadan gələn ciddi təhlükə ilə bağlı ABŞ və Avropa Birliyi (AB) ölkələri ilə təmasdadır".

Digər tərəfdən, Serbiya prezidenti Aleksandr Vuçiç verdiyi açıqlamada Kosovo ilə münaqişənin qızışmasının Belqradın AB-yə daxil olmaq istəyinə zərər verəcəyini bildirib və hərbi birləşmələrinə Kosovonu keçmək əmrini vermək niyyətində olmadığını bildirib.