Konqo Demokratik Respublikasının (KDC) şimal-qərbindəki Lulonqa çayında üzərkən batan qayıqda olan sərnişinlərdən 72-nin cəsədi tapılıb.
İqtisadiyyat.az xəbər verir ki, bu barədə Ekvador əyalətinin humanitar işlər naziri Luc-Didier Mbula məlumat yayıb.
Məlmatda o, KDC-dən qonşu Konqo Respublikasına gedən qayığın həddindən artıq yüklənmə səbəbindən batdığını bildirib.
Mbula qeyd edib ki, batan qayıqda olan 287 sərnişindən 72-nin cəsədi tapılıb, 148 nəfər xilas edilib, 67 nəfər isə hələ də axtarılır.
Qeyd edək ki, sözügedilən qayıq yanvarın 17-də Lulonqa çayında üzərkən batmışdı.