Kiçik və Orta Biznesin İnkişafı Agentliyi (KOBİA) Rusiyada keçirilən biznesyönümlü tədbirlərin fəal iştirakçısıdır.

Agentlikdən İqtisadiyyat.az-a bildirilib ki, bu barədə KOBİA-nın İdarə Heyətinin sədri Orxan Məmmədov Bakıda “Moskva-Bakı: iki paytaxtın dialoqu” mövzusunda keçirilən konfransda deyib.

Orxan Məmmədov ölkələrimiz arasında kiçik və orta biznes sahəsində əməkdaşlığın genişləndirilməsi perspektivləri barədə fikirlərini bölüşüb. Qeyd olunub ki, KOB sahəsində Agentlik Rusiyanın aidiyyəti qurumları ilə əməkdaşlıq edir. KOBİA Rusiyada keçirilən biznesyönümlü tədbirlərin fəal iştirakçısıdır.

Agentliyin fəaliyyəti, KOB-lara göstərilən dəstək və xidmətlər barədə məlumat verən KOBİA sədri qurumun yerli tərəfdaşların müəyyənləşdirilməsində Rusiyanın işgüzar dairələrinə dəstək ola biləcəyini, bunun üçün Kiçik və Orta Biznesin İnkişafı Agentliyinin ölkə regionlarında geniş KOB dostu şəbəkəsinə malik olduğunu diqqətə çatdırıb.