"Heç vaxt belə prinsipial seçkilər olmayıb, bu, müharibə və sülh, təbliğat və ənənəvi dəyərlər arasında unikal referendumdur".
İqtisadiyyat.az xəbər verir ki, bunu Gürcüstanın Baş naziri İrakli Kobaxidze mətbuat konfransında bildirib.
Gürcüstan hökumətinin başçısının sözlərinə görə, seçim etmək asandır: seçim sülhün, mənəviyyatın və ölkənin parlaq gələcəyinin xeyrinə edilməlidir.
"Artıq aktiv işlərə başlanılıb. Yaxın günlərdə biz Tiflisdə bütün səkkiz nümayəndənin namizədliyini irəli sürəcəyik və müvafiq olaraq Tbilisidə kampaniyaya tam şəkildə start veriləcək.
Hər şey ediləcək ki, mesajlarımız cəmiyyətə çatsın. Təbii ki, biz bütün bu müddət ərzində bunu etmişik, lakin seçkiqabağı təşviqat bizə imkan verir ki, vətəndaşlarla birbaşa ünsiyyət qurub, ölkəmizin inkişafı ilə bağlı məsələlərdən danışaq.
Bu seçkilər ciddi prinsipial seçkilərdir. Əvvəlki bütün seçkilər prinsiplər əsasda keçirilib, amma yenə də deyərdim ki, indiyə qədər belə prinsipial seçkilər olmayıb", - Kobaxidze qeyd edib.