Tayvan gələn il Çindən gələn hərbi təhlükənin artması səbəbindən müdafiə xərclərini rekord həddə - 20,2 milyard dollara qədər artıracaq.

İqtisadiyyat.az xəbər verir ki, bu barədə “Bloomberg” məlumat yayıb.

“Gələn il hərbi xərclərin əvvəlki ilə nisbətən 7,7% çox olacağı və Tayvanın təxmin edilən ümumi daxili məhsulunun (ÜDM) 2,45 %-ni təşkil edəcəyi proqnozlaşdırılır. Müdafiə büdcəsinə həmçinin 7 il ərzində 2026-cı ilə qədər yeni döyüş təyyarələrinin alınması da daxildir. Bunun da böyük hissəsi ABŞ tərəfindən təmin ediləcək”, - məlumatda bildirilir.

Nəşr yazır ki, Tayvanın hərbi xərclərinin davamlı olub-olmayacağı ilə bağlı qeyri-müəyyənlik var. Beynəlxalq Münasibətlər və Strateji Tədqiqatlar İnstitutunun dosenti Çie Çunq bildirib ki, son bir neçə ildə müdafiə xərclərinin artımı dövlət borcu ilə maliyyələşdirilən xüsusi büdcə hesabına artırılıb, lakin bu mexanizmin 2026-cı ildən sonra da davam edib-etməyəcəyi bəlli deyil.

Bundan əvvəl Tayvan Silahlı Qüvvələri bir gün ərzində öz sahillərində Xalq Azadlıq Ordusunun (AXO) 18 təyyarəsi və 9 gəmisini müşahidə edib. Buna cavab olaraq ada Çinin sahildən sonrakı fəaliyyətini izləmək üçün təyyarə, gəmi və yerüstü hava hücumundan müdafiə sistemlərindən istifadə edib.

Sadiq Cavadov