İsrail və Fələstinin HƏMAS radikal hərəkatı arasında Qəzza zolağında atəşkəslə bağlı aparılan danışıqlar heç bir nəticə verməyib.

İqtisadiyyat.az xəbər verir ki, bu barədə “Reuters” Misir rəsmilərinə istinadən məlumat yayıb.

“Qəzza zolağı ilə bağlı mümkün razılaşma ilə bağlı danışıqlar Qahirədə razılaşma olmadan başa çatıb. Nə Həmas, nə də İsrail vasitəçilərin təqdim etdiyi bir neçə təklifi qəbul etməyib”, – agentlik bir neçə mənbəyə istinadən yazır.

Bundan əvvəl HƏMAS-ın sözçüsü Əhməd Abdel Hadi Qəzza zolağında atəşkəs və girovların azad edilməsi ilə bağlı danışıqların nəticəsiz qaldığını bildirmişdi. Onun sözlərinə görə, ABŞ Prezidenti Co Bayden administrasiyası sülh danışıqları ətrafında vəziyyətin əlverişli olaraq qaldığını iddia etməkdə davam edir.

 

Sadiq Cavadov