Latviya hökuməti "yaxın gələcəkdə" dronların ilk partiyasını Ukraynaya göndərmək qərarını təsdiqləyib.
İqtisadiyyat.az xəbər verir ki, bu barədə "Delfi" portalı məlumat yayıb.
Məlumata görə, bu barədə çərşənbə axşamı jurnalistlərə respublikanın baş naziri Evika Silina məlumat verib. O, PUA-ların Ukraynaya dəqiq nə vaxt göndəriləcəyini açıqlamayıb.
Portal qeyd edib ki, Latviya hakimiyyəti Kiyevi dronlarla təmin etmək üçün ildə ümumilikdə 10 milyon avro xərcləmək niyyətindədir.
"Delfi"nin sözlərinə görə, Latviyanın başçılıq etdiyi 14 ölkədən ibarət pilotsuz uçuş aparatları koalisiyası 2025-ci il fevralın 24-dək Kiyevə 1 milyon PUA ötürməyi planlaşdırır.
