Əbu-Dabi-Yerevan reysini ildırım vurub.

İqtisadiyyat.az xəbər verir ki, bu barədə Ermənistan mətbuatı yazır. 

Qeyd edilib ki, iki gün əvvəl Əbu-Dabidən İrəvana uçan Wizz Air aviaşirkətinin təyyarəsi möcüzəvi şəkildə məhv olmaqdan xilas olub. Əbu-Dabi hava limanından havaya qalxdıqdan 10 dəqiqə sonra Dubay üzərində uçarkən təyyarəni ildırım vurub və nəticədə pəncərələrdən biri çatlayıb və təyyarənin uçuşunda texniki problemlər yaşanıb.

Hadisə zamanı təyyarədə çaxnaşma başlayıb, sərnişinlər qəzaya uğrayacaqlarını düşünüblər, lakin pilotların peşəkarlığı sayəsində Əbu-Dabi hava limanına yenidən təhlükəsiz eniş etməyi bacarıblar.