"Avropa Parlamentinin (AP) ən böyük fraksiyaları təhlükəsizlik və müdafiə üzrə alt komitənin tamhüquqlu komitəyə çevrilməsi ilə bağlı saziş bağlamağa yaxındırlar".

İqtisadiyyat.az xəbər verir ki, bu barədə "Euractiv" portalı AP-dəki mənbələrə istinadən məlumat yayıb. 

Portalın məlumatına görə, əvvəllər bu addıma qarşı çıxan sosial demokratlar da sentyabra qədər Avropa Xalq Partiyası (APP) və liberalların tam tərkibdə komitə yaratmaq tələblərinə razılıq verməyə hazırdırlar.

Nəşr əlavə edib ki, saziş Avropa Komissiyasında vəzifələrin Avropa siyasi qrupları arasında bölüşdürülməsinə dair daha geniş sazişin bir hissəsi ola bilər. Yeni komitənin təhlükəsizlik və müdafiə üzrə hazırkı alt komitənin səlahiyyətlərini, habelə hazırda müdafiə sənayesi məsələləri ilə məşğul olan sənaye və daxili bazar komitələrinin səlahiyyətlərinin bir hissəsini öz üzərinə götürəcəyi gözlənilir.