Almaniya ABŞ-dən üç ədəd HIMARS reaktiv yaylım atəşi sistemi alacaq. 

İqtisadiyyat.az xəbər verir ki, bu barədə Almaniyanın müdafiə naziri Boris Pistorius ABŞ-yə səfəri zamanı bildirib.

NTV telekanalı səfərlə bağlı xəbər verir ki , hərbi texnikaların ABŞ Silahlı Qüvvələrindən alınaraq Ukraynaya çatdırılacağı güman edilir.

Məlumata görə, Pistorius həmçinin Birləşmiş Ştatlarının Avropada və dünyada təhlükəsizlik üçün daha çox məsuliyyət daşımağa hazır olduğunu bildirib. Eyni zamanda Almaniya Müdafiə Nazirliyinin rəhbəri ABŞ hakimiyyətini Avropada birgə səyləri zəiflətməməyə çağırıb.

Pistorius Pentaqon rəhbəri Lloyd ilə görüşdə deyib: "Biz hər ikimiz yaxın tərəfdaş, müttəfiq, dost kimi birlikdə işləməyə davam edəcəyik. Bu, dünyada həmişəkindən daha vacibdir və mən əminəm ki, biz birlikdə çox şeyə nail ola bilərik".

Almaniya Ukraynaya ABŞ-dən sonra ikinci ən böyük silah tədarükçüsüdür. Ümumilikdə Almaniya indiyədək Kiyevə hərbi dəstək üçün vəsait ayırıb və gələcək xərclər üçün ümumilikdə təxminən 28 milyard avro məbləğində öhdəliklər götürüb.