Kim nə dedi? - Günün SİTATLARI
Hər gün olduğu kimi bu gün də ölkədə və dünyada baş verən hadisələrlə bağlı müxtəlif ictimai-siyasi xadimlərin önəmli açıqlamaları oldu.
İqtisadiyyat.az tanınmış şəxslərin bu günə olan sitatlarını bir araya gətirərək sizə təqdim edir. Beləliklə, kim nə dedi?
Prezident Administrasiyasının Xarici siyasət məsələləri şöbəsinin sektor müdiri Həbib Mikayıllı: "Ermənistan mədəniyyətimizə qarşı genosid törədib"
Ağ Evin Milli Təhlükəsizlik Şurasının sözçüsü Con Kirbi. “İran Moskvaya Rusiyada dron zavodu tikməkdə kömək edir”.
Meyxanaçı Rəşad Dağlı: "Birinci o məni vurmaq istədi, lakin cəld tərpənib özümü müdafiə etmək üçün onu vurdum“.
Gürcüstan parlamentinin sədri Şalva Papuaşvili: "Gürcüstana niyə Avropa İttifaqı (Aİ) namizədi statusu təqdim edilməməsinin cavabı bu günədək açıqlanmayıb".
“Azərsu” ASC-nin İctimaiyyətlə əlaqələr şöbəsinin rəisi Anar Cəbrayıllı: “İlin sonunadək Füzuli şəhərinə suyun verilməsi planlaşdırılır”.
Ukraynanın ölkəmizdəki səfiri Vladislav Kanevski: “Ukrayna köməyə görə Azərbaycana minnətdardır”.
Deputat Azay Quliyev: "Hazırda Azərbaycanda yaşayış əmlaklarının 90 %-i, qeyri yaşayış əmlaklarının 70 %-i icbari sığortadan kənarda qalıb".
Deputat Siyavuş Novruzov: “Valyutadəyişmə məntəqələri açılmalıdır. Bu, həm iş yeridir, həm də vətəndaşların və turistlərin rahatlığıdır".
Elm və Təhsil Nazirliyinin rəsmisi Yaqub Piriyev: “Növbəti tədris ilindən tələbələr dövlət imtahanı verməyəcək”.
Deputat Zahid Oruc: "Ona görə də “bütün ərazilər minalıdır” qorxusunu beyinlərə yeritmək, Böyük Qayıdışa zərbə vurmaq və düşüncələrə mina əkmək yolverilməzdir".
Səhiyyə Nazirliyinin rəsmisi Tofiq Musayev: "Mentol və nanə ətirli siqaretlər adi siqaretlər qədər zərərlidir, onlar da ciddi xəstəlik və vaxtından əvvəl ölüm riskini artırır”.
Təhsil eksperti Elçin Əfəndi: "Elm və Təhsil Nazirliyinin isə keçirdiyi hansısa mütərəqqi yenilik yoxdur".
Milli Kulinariya Mərkəzinin keçmiş sədri Tahir Əmiraslanov: "Məni Milli Kulinariya Mərkəzindən vaxtından tez çıxartdılar. Əgər mənə yenidən təklif olunarsa, şərtlərə baxacağam".
