Kim nə dedi? - Günün SİTATLARI
Hər gün olduğu kimi bu gün də ölkədə və dünyada baş verən hadisələrlə bağlı müxtəlif ictimai-siyasi xadimlərin önəmli açıqlamaları oldu.
İqtisadiyyat.az tanınmış şəxslərin bu günə olan sitatlarını bir araya gətirərək sizə təqdim edir. Beləliklə, kim nə dedi?
Azərbaycanın Xarici İşlər naziri Ceyhun Bayramov: “Ermənistan və Azərbaycan üçün ilk dəfə olaraq sülh əlçatandır”.
ABŞ-nin Xarici Əlaqələr üzrə Milli Komitəsinin prezidenti Suzan Elliott: “Azərbaycan və Ermənistan arasında sülh bütün region üçün çox vacibdir”.
Ermənistan Baş naziri Nikol Paşinyan: "Regional kommunikasiyaların açılması məsələsində irəliləyiş əldə olunub".
BMT Baş Assambleyasının 75-ci Prezidenti Volkan Bozkır: “Ermənistan Naxçıvanla əlaqələrin qurulmasına, xüsusilə Zəngəzur dəhlizinin açılmasına mane olur. Düşünürəm ki, bu, diplomatiya deyil".
Prezidentin işğaldan azad edilmiş ərazilər üzrə xüsusi nümayəndəsi Emin Hüseynov: "2026-cı ilin sonuna qədər 34,5 min ailənin azad edilmiş ərazilərə qayıtması planlaşdırılır".
Deputat Vahid Əhmədov: "Rayonlarda ən azı 1 milyon manat civarında emal zavodları açmaq olar. Camaatın həyatını yaxşılaşdırmaq istəyiriksə, onlara iş verməliyik".
İqtisadiyyat nazirinin müavini Elnur Əliyev: "Azərbaycanda ərzaq inflyasiyası yüksək qalır. İstəsək də, istəməsək də biz həmişə ərzaq mallarının idxalından asılı olacayıq”.
Bakı metrosunun sabiq rəisi Tağı Əhmədovun həyat yoldaşı Salatın Əhmədova: "Tağı müəllimin yeriməsi artıq mümkün deyil. Onun yeriməsi üçün Allahın bir möcüzəsi lazımdır".
Təhlükəsizlik Şurasının sədr müavini Dmitri Medvedev: "Bizim məqsədimiz təkcə torpaqlarımızı azad etmək deyil, həm də nasist Kiyev rejimini tamamilə devirməkdir”.
İspaniyalı idman jurnalisti Guillem Balague: "Messi qərarını verdi. Onun yeni klubu "İnter Mayami" olacaq".