İkinci ABŞ-Afrika Nüvə Enerjisi Sammiti avqustun 27-dən 30-dək Keniyada keçiriləcək.
İqtisadiyyat.az xəbər verir ki, bu barədə "Citizen" xəbər portalı məlumat yayıb.
Məlumata görə, avqustun sonunda Nayrobidə keçiriləcək görüşdə Afrika ölkələrində nüvə enerjisinin tətbiqi mövzusu müzakirə olunacaq. Forum siyasətçiləri, texniki ekspertləri və sənaye liderlərini seminarlarda, maraqlı tərəflərin cəlb edilməsi sessiyalarında və çoxtərəfli müzakirələrdə iştirak etməyə dəvət edir.
Keniya 2034-cü ilə qədər ilk atom elektrik stansiyasını tikməyi planlaşdırır. Məlumata görə, hökumət enerji istehsal gücünün artırılması, CO2 emissiyalarının azaldılması və daha çox iş yerlərinin yaradılmasına yönəlmiş təşəbbüsün bir hissəsi olaraq 2030-cu illərin əvvəllərində tədqiqat reaktorunu onlayn vəziyyətə gətirməyi hədəfləyir.
Qeyd edək ki, ilk sammit 2023-cü il oktyabrın 30-dan noyabrın 1-dək ABŞ-nin Energetika Nazirliyi tərəfindən Respublikanın Nüvə Enerjisi İnstitutu ilə birgə Qanada keçirilib.