İqtisadiyyat.az xəbər verir ki, bu istiqamətdə həyata keçirilən tədbirlər çərçivəsində Zar kəndində tikinti-quraşdırma işlərinə başlanılıb.

Belə ki, Məcburi Köçkünlərin Sosial İnkişaf Fondu Zar kənd yaşayış məntəqəsində birinci mərhələdə 547 fərdi yaşayış evinin, sosial obyektlərin, mühəhdis kommunikasiyaların, yol-küçə şəbəkəsinin tikintisi və abadlıq işləri ilə bağlı hazırlıqlara başlayıb. Fond bu işlərin icrasının 138 489 791,40 manata başa gələcəyini proqnozlaşdırıb.

Xatırladaq ki, Kəlbəcər rayonunun Zar kəndinin təməli 2023-cü ilin avqustun 25-də qoyulub. Azərbaycan Respublikasının Prezidenti İlham Əliyev və birinci xanım Mehriban Əliyeva mərasimdə iştirak ediblər.

Qeyd edək ki, Zar kəndində ümumilikdə 855 ailənin məskunlaşması planlaşdırılıb. Yaşayış məntəqəsinin salınması üçün 20 illik perspektiv və həmin müddətdən sonrakı inkişaf nəzərə alınmaqla 243 hektardan çox torpaq sahəsinin ayrılması nəzərdə tutulub. Birinci mərhələdə kəndə 547 ailənin köçürülməsi üçün birmərtəbəli fərdi evlərin inşası planlaşdırılır. Tikiləcək 547 evin 131-i ikiotaqlı, 289-u üçotaqlı, 92-si dördotaqlı, 35-i beşotaqlı olacaq. Burada, həmçinin 528 şagird yerlik məktəb, 100 yerlik uşaq bağçası tikiləcək.