İqtisadiyyat.az xəbər verir ki, Kəlbəcər rayonunda Bərpa, Tikinti və İdarəetmə Xidməti bərpa, quruculuq və abadlıq işləri ilə bağlı növbəti hazırlıqlara başlayıb.

Belə ki, şəhərdə 2-ci yaşayış məhəlləsi salınacaq. Qurum layihələndirmə işlərini "Red Line Studio" şirkətinə həvalə edib və onunla dəyəri 502.739 manat olan müqavilə bağlayıb.

Bundan əlavə, Xidmət Kəlbəcər rayonu ərazisində yerləşən inzibati binanın layihələndirilməsi işlərinin icrası ilə bağlı "TK Project" şirkəti ilə 601.918 manatlıq müqavilə bağlayıb.

Eyni zamanda rayonun Çıraq (Tövlədərə kəndi ilə birlikdə) və Otaqlı kəndlərinin layihələndirilməsi işlərini "PBA" şirkəti həyata keçirəcək. Dövlət Xidməti ilə şirkət arasında razılaşmaya əsasən bu kəndlərin layihələndirilməsi 1,2 milyon manata başa gələcək.