İqtisadiyyat.az xəbər verir ki, bununla bağlı Minatəmizləmə Agentliyi hazırlıqlara başlayıb.

Qurum çəpərləmə işlərinin 12 milyon manata başa gələcəyini proqnozlaşdırıb.

Xatırladaq ki, Ermənistanın işğalı nəticəsində Azərbaycanın zəbt edilmiş torpaqları uzun illər minalarla çirkləndirilib. Vətən müharibəsindən sonra işğaldan azad olunmuş bütün ərazilərdə dövlət prioritetləri əsasında minatəmizləmə əməliyyatları icra edilir. Bütövlükdə, İkinci Qarabağ müharibəsi başa çatandan sonrakı dörd ildə (2021-2024-cü illər) 179 min 186 hektar ərazi mina və partlamamış sursatlardan təmizlənib.

Bu ilin birinci rübündə isə respublika ərazisində ümumilikdə 11 min hektar ərazi minalardan təmizlənib. Cari ilin ilk üç ayında təmizlənən ərazilərdə ümumilikdə 13 min 956 ədəd mina və partlamamış hərbi sursat aşkar edilərək zərərsizləşdirilib. Onlardan 1 141-i piyada əleyhinə mina, 485-i tank əleyhinə mina, 12 min 330-u isə partlamamış hərbi sursatlardır.

Minatəmizləmə əməliyyatları işğaldan azad edilmiş bütün ərazilərdə əl ilə minaaxtarma və mexaniki minatəmizləyən maşın və minaaxtaran itlərin dəstəyi ilə həyata keçirilir.