Kanada hakimiyyəti yanvar ayından İsrailə bütün növ silahların ixracını dayandırıb.
İqtisadiyyat.az xəbər verir ki, bunu ölkənin Milli Müdafiə naziri Uilyam Bleyr jurnalistlərə bildirib.
"Kanada çox sərt silah ixracı rejiminə malikdir. Yanvar ayından bəri İsrailə silah ixrac etmək üçün heç bir icazə verilməyib", - Bleyr qeyd edib.
O xatırladıb ki, müvafiq icazələrin verilməsi Kanada Xarici İşlər Nazirliyi tərəfindən tənzimlənir, bu departament isə İsrailə silahların ixracı üçün əlavə icazələrin verilməyəcəyini açıqlayıb.
Daha əvvəl Kanadanın xarici işlər naziri Melanie Joly iddia etmişdi ki, 2023-cü il oktyabrın 7-dən Ottava İsrailə öldürücü silahların, yanvar ayından isə qeyri-öldürücü silahların tədarükü üçün icazələrin verilməsini dayandırıb.
