Kanadanın Britaniya Kolumbiyası əyalətində baş verən meşə yanğınları səbəbindən 35 min insan təxliyə edilib. 

İqtisadiyyat.az xəbər verir  ki, bu barədə Britaniya Kolumbiyası hökumətinin bəyanatında deyilir.

"Britaniya Kolumbiyasındakı yanğınlar bir çox bölgələrə təsir edir. Əgər meşə yanğınlarından təsirlənən ərazidə yaşayırsınızsa, evakuasiya ehtimalına hazır olun. Evakuasiya xəbərdarlığı və ya əmr arasındakı fərqi bilin. Zəhmət olmasa çox zərurət olmadıqca əyalətin mərkəzinə və cənub-şərqinə səyahət etməyin. Okanaqanda otellər, motellər və düşərgələr kimi müvəqqəti yaşayış yerlərinin boşaldılması üçün təcili əmr verilir", - bəyanatda qeyd edilib.

Kanada mediası yanğınların gedişindən asılı olaraq daha çox insanlara təxliyə əmrinin verilə biləcəyini yazıb.