Kanada hərbi təlimçilərini Ukraynada yerləşdirmək hazırda yerlərdəki vəziyyətə görə mümkün deyil.
İqtisadiyyat.az xəbər verir ki, bu barədə Kanadanın milli müdafiə naziri Uilyam Bleyr jurnalistlərə bildirib.
"Hazırda, mənim fikrimcə, Ukraynada kanadalı təlimatçıların yerləşdirilməsi üçün şərait uyğun deyil", - nazir qeyd edib.
Bleyer əlavə edib ki, indiki şəraitdə Ukraynada kanadalı təlimatçıların təhlükəsizliyini təmin etmək mümkün deyil: "Əgər şərait dəyişərsə, biz bunu nəzərdən keçirməyə hazırıq".
Onun sözlərinə görə, Ottava Böyük Britaniya, Latviya, Kanada və Polşada ukraynalı hərbçilərə təlim keçməyə davam edəcək. Bleyer Kanadanın artıq 40 mindən çox ukraynalı hərbçiyə təlim keçdiyini açıqlayıb. Nazirin sözlərinə görə, Ottava Kiyevə hərtərəfli dəstəyi davam etdirəcək.
