Kanada hakimiyyəti Belarusa qarşı sanksiyalar siyahısına daha 21 şəxsi əlavə edib.
İqtisadiyyat.az xəbər verir ki, bu barədə Kanada Xarici İşlər Nazirliyi məlumat yayıb.
Sənəddə deyilir: "Kanada 21 nəfərə qarşı sanksiya tətbiq edir. Bu vətəndaşlar Ottavanın saxta adlandırdığı 2020-ci il prezident seçkiləri ilə əlaqədar həbslər, vəhşilik, hədə-qorxu gəlmək və belaruslara qarşı həddən artıq güc tətbiq etməkdə iştirak edirlər".
Qeyd edək ki, Belarusda sonuncu prezident seçkiləri 2020-ci il avqustun 9-da keçirilib. Mərkəzi Seçki Komissiyasının məlumatına görə, Aleksandr Lukaşenko 80,1% səslə qalib gəlib. İkinci yeri 10,12% səslə seçkinin nəticələrini tanımayan və respublikanı tərk edən Svetlana Tixanovskaya tutub. İlk səsvermənin nəticələrinə yekun vurulduqdan dərhal sonra Belarus şəhərlərində kütləvi etiraz aksiyaları başlayıb.
