Rusiya Federasiyasının tərkibində olan Çeçenistanın lideri Ramzan Kadırov Danimarka və İsveçdə Quran yandırılmasını təşkil edən ifrat sağçı siyasətçi Rasmus Paludanı “dini terrorçu” adlandırıb.

İqtisadiyyat.az xəbər verir ki, Kadırov Telegram hesabındakı paylaşımında “Belə hərəkətlərə icazə verən səlahiyyətlilərə sualım var. Bunun təxribat olduğunu və həssas müsəlmanların ədalətli cavabının gələcəyini çox yaxşı bildiyiniz halda niyə hələ də buna icazə verirsiniz?, - deyə yazıda qeyd edilib.

Kadırov “Danimarkalı dünənki hərəkətini mənə həsr etdi. “Mənə qarşı edilən çox şeyləri bağışlayıram, amma dünyadakı bir milyard yarım müsəlmanın bağışlamayacağı kimi, dini terrorçunun bu hərəkətini heç vaxt bağışlamayacağam.

Danimarka-İsveç ifrat sağçı, ifrat sağçı Danimarka Sıx İstiqamət Partiyasının (Stram Kurs) lideri Rasmus Paludan dünən Rusiyanın Danimarkadakı səfirliyi qarşısında Quranı yandırmışdı.

Paludan aksiyanı Çeçenistan, onun lideri Ramzan Kadırov və onu “terrorçu” adlandıran çeçen əsilli isveçli UFC döyüşçüsü Həmzət Çimayevə görə yandırdığını bildirib və deyib: “Onlar özlərini necə aparmağı öyrənsəydilər, heç bir şey olmazdı. Rusiya səfirliyinin qarşısında Quranı yandırmaq lazımdır”.