Kataloniya "Jirona"sının baş məşqçisi Miçel yayda  London "Çelsi"sinə keçməkdən imtina edib.

İqtisadiyyat.az xəbər verir ki, İngiltərə klubunun nümayəndələri 48 yaşlı ispan mütəxəssisə komandanın inkişaf strategiyasını təqdim etsə də, rədd cavabı alıb. Miçel yayda "Jirona"dan ayrılmaq istəmir.

Bundan başqa, “Jirona” İngiltərə çempionu “Mançester Siti”nin də yer aldığı "City Group"a daxildir. Mümkündür ki, Miçel 2025-ci ilin yayında Mançester klubunda kataloniyalı Xosep Qvardiolanı əvəzləyəcək.

"Çelsi" argentinalı Maurisio Poçettinonu komandadan uzaqlaşdırmaq istəyir və hazırda işsiz olan Tomas Tuxel (Bavariya), Roberto De Dzerbi (Brayton), Eddi Hau (Nyukasl) və Joze Mourinyo və Xulen Lopeteqinin də namizədliyini nəzərdən keçirir.