"2024-cü il ərzində İqtisadi Zonaların İnkişafı Agentliyinin idarəçiliyində olan sənaye zonalarında 10-a yaxın müəssisənin fəaliyyətə başlaması planlaşdırılır".

İqtisadiyyat.az xəbər verir ki, bunu İqtisadiyyat Nazirliyinin tabeliyindəki İqtisadi Zonaların İnkişafı Agentliyinin İdarə Heyətinin sədri Seymur Adıgözəlov bu gün keçirilən mətbuat konfransında bildirib.

Onun sözlərinə görə, bu müəssisələrdə ümumilikdə təqribən 1000 nəfərlik daimi iş yerinin yaradılması nəzərdə tutulub.

"İndiyədək sənaye zonaları üzrə 142 sahibkarlıq subyektinə rezidəntlik statusu verilib. Sahibkarlar tərəfindən sənaye zonalarında 6,6 milyard manatdan çox investisiya yatırılıb, 10 mindən artıq daimi iş yeri yaradılıb. Mövcud layihələr üzrə növbəti mərhələdə sənaye zonalarına əlavə 830 milyon manatadək investisiyanın yatırılması, 7 mindən artıq yeni iş yerinin yaradılması nəzərdə tutulur", - deyə o qeyd edib.

Sadiq Cavadov