İtaliyanın Milan şəhərində bələdiyyə gecə həyatının təşkili istiqamətində gördüyü tədbirlər çərçivəsində təxminən bir aya yaxın şüşə və qalay paketlərdə içki satışına qadağa qoyub.

İqtisadiyyat.az İtaliya mətbuatına istinadən xəbər verir ki, ölkənin ən çox ziyarət edilən şəhərlərindən biri olan Milanın meri Cüzeppe Sala, şəhərin turistik yerlərində gecə saatlarında çöldə içki satışı ilə bağlı yeni qərar imzalayıb.

Şəhərdə bu gündən iyunun 1-dək sınanacaq təcrübə çərçivəsində 12 turistik məhəllədə gecələr şüşə və qalay paketlərdə spirtli və ya sərinləşdirici içkilər satılmayacaq.

Qadağa bütün kiçik, orta və iri satış yerlərini əhatə edir.

Digər tərəfdən, məkanlarda xidmətlərə məhdudiyyət qoyulmasa da, çöldə göstəriləcək xidmətlərdə karton stəkanlardan istifadə edilməsi tələb olunur.

 

Gözəl Həşimova