İtaliyanın xarici işlər naziri və baş nazirin müavini Antonio Tacani Rusiya Federasiyası ilə birbaşa hərbi münaqişənin yaxınlaşdığına inanmır.

İqtisadiyyat.az xəbər verir ki, o, bu fikri "Il Messaggero" qəzetinə müsahibəsində bildirib.

Tacani "Rusiya ilə silahlı münaqişənin yaxınlaşıb-yaxınlaşmadığı" sualına, "Mən belə düşünmürəm" deyə cavab verib: "Biz davakar tonla diqqətli olmalıyıq, mən getdikcə daha tez-tez müharibə iqtisadiyyatı haqqında eşidirəm. Gəlin açıq deyək: biz Rusiya ilə müharibə aparmırıq və hərbçiləri Ukraynaya döyüşməyə göndərməyəcəyik". 

Nazir 2024-cü ildə Ukrayna üzrə sülh konfransının keçiriləcəyinə ümid etdiyini bildirib. Eyni zamanda o, qeyd edib ki, məqsəd Kiyevin qəbuledilməz məğlubiyyətə uğramasının qarşısını almaqdır. Tacani Kiyevə Romadan doqquzuncu hərbi yardım paketinin formalaşdırılmasının mümkünlüyünü istisna etməyib və izah edib ki, onun ölkəsi Ukrayna tərəfinin tələb etdiyi raketlərə malik deyil.

O vurğulayıb ki, Ukrayna özünü müdafiə edə bilməlidir, lakin Rusiya ərazisini vurmamalıdır.