"Yeddilik" ölkələrinin xarici işlər nazirlərinin çərşənbə günü axşam Kapri adasında açılacaq iclasında İrana qarşı sanksiyalar müzakirə olunacaq.
İqtisadiyyat.az xəbər verir ki, bu barədə görüşün aparıcısı, G7-yə sədrlik edən İtaliyanın xarici işlər naziri və baş nazirin müavini Antonio Tacani bildirib.
"Biz İrana qarşı yeni sanksiyaların tətbiqi yollarını tapmaq üçün birlikdə çalışacağıq. Gəlin görək, bu həll yollarını tapa biləcəyik?", - o, tədbirdən əvvəl deyib.
Tacani xatırladıb ki, Aİ xarici işlər nazirlərinin bir gün əvvəl keçirilən iclasında Rusiyanın İranın son hücumu zamanı həm Ukraynaya, həm də İrana qarşı istifadə etdiyi raket və pilotsuz uçuş aparatları ilə təmin edənlərə qarşı sanksiyaların tətbiqi ilə bağlı təkliflər irəli sürülüb.
Agentliyin məlumatına görə, yekun sənədə sanksiyalarla bağlı bənd daxil edilə bilər: "Söhbət PUA və raketlərin tədarük zəncirində iştirak edən, yəni Rusiyanı bu cihazlarla təchiz edən şəxslərə qarşı fərdi sanksiyalardan gedir".
