İtaliya hesab edir ki, NATO qoşunlarının Ukraynaya göndərilməsi eskalasiyaya gətirib çıxarır və vəziyyətin belə inkişafına yol vermək olmaz. 

İqtisadiyyat.az xəbər verir ki, bunu respublikanın baş naziri Giorgia Meloni Aİ sammiti ərəfəsində parlamentdə çıxışı zamanı deyib.

"Fransanın Ukraynaya mümkün birbaşa müdaxilə təklifinə gəlincə, bizim mövqeyimiz aydındır və mən bunu burada təkrarlayacağam: biz bunu dəstəkləmirik və bu, nəyin bahasına olursa olsun, qarşısının alınması lazım olan eskalasiyaya gətirib çıxarır", - Meloni bildirib. 

O, parlamentin bu mövqeyi bölüşəcəyinə ümid etdiyini də əlavə edib.