İtaliya Hərbi Hava Qüvvələrinə məxsus “Eurofighter Typhoon” tipli döyüş təyyarəsi Avstraliyada təlim zamanı qəzaya uğrayıb.

İqtisadiyyat.az-ın ANSA agentliyinə istinadən xəbərinə görə, döyüş təyyarəsi Avstraliyanın şimal bölgəsindəki Darvin şəhərində keçirilən çoxmillətli “Pitch Black 24” hərbi təlimi zamanı qəzaya uğrayıb.

Səlahiyyətlilər pilotun paraşütlə tullanaraq sağ qaldığını və səhhətinin yaxşı olduğunu qeyd ediblər.

Təyyarənin qəzaya uğrama səbəbinin hələlik məlum olmadığı bildirilib.

Hadisə ilə bağlı istintaqa başlanılıb.