Solçu "İtaətsiz Fransa" partiyasının deputatları Emmanuel Makronun respublika prezidenti vəzifəsindən kənarlaşdırılması ilə bağlı Milli Assambleyaya (parlamentin aşağı palatası) təklif göndərəcəklər.

İqtisadiyyat.az xəbər verir ki, bu barədə partiyanın milli koordinatoru Manuel Bompard "X" səhifəsində məlumat verib.

"Konstitusiyanın 68-ci maddəsinə uyğun olaraq, Makronun hakimiyyətdən uzaqlaşdırılması təklifi Milli Məclisin Bürosuna göndəriləcək", - o qeyd edib.

"İtaətsiz Fransa" bu qərarı Makron solçu Yeni Xalq Cəbhəsinin namizədi, iqtisadçı Lüsi Kasteti Baş nazir təyin etməkdən imtina etdikdən sonra verib.

Bompard həmçinin bütün solçu tərəfdarlarını prezidentin qərarına etiraz olaraq yürüşə çağırıb: "Demokratiyanı vacib sayan hər kəs prezidentin seçkilərin nəticələrini nəzərə almasını təmin etmək üçün səfərbər olmalıdır".