İsveçrə Prezidenti Viola Amherd iyulun 18-də Böyük Britaniyada keçiriləcək Avropa Siyasi Birliyinin sammitinin iştirakçılarına Bürgenstokda Ukrayna üzrə keçirilən konfransın nəticələri barədə məlumat verəcək.

İqtisadiyyat.az xəbər verir ki, bu barədə İsveçrə hökuməti məlumat yayıb.

"İsveçrə Konfederasiyasının Prezidenti Viola Amherd Avropa Siyasi Birliyinin dördüncü sammitində iştirak edəcək", - məlumatda deyilir.

Qeyd edilib ki, bu görüşün açılışında Amherd Ukraynada sülhə dair iyunun ortalarında Bürgenstokda keçirilən yüksək səviyyəli konfransın nəticələrini elan edəcək.