İsveçrə Federal Parlamentinin komitəsi İsveçrə istehsalı olan hərbi materialların başqa ölkədən Ukraynaya təkrar ixracının qarşısını alan “reeksport qadağasından” imtina etməyi təklif edib. 

İqtisadiyyat.az xəbər verir ki, bu barədə Swissinfo saytı məlumat yayıb. 

İsveçrə Nümayəndələr Palatasının Təhlükəsizlik Siyasəti Komitəsinin təklifi 11 əleyhinə 14 səslə qəbul edilib, onun həyata keçirilməsi üçün isə parlamentin təsdiqi lazımdır. 

Komitə iddia edib ki, onun təklifləri İsveçrənin neytrallıq qaydalarını pozmur, çünki o, birbaşa münaqişə zonasına getməyəcək və başqa ölkədən keçəcək.