İsveçrə Belarusun 27 vətəndaşına qarşı sanksiya tətbiq edib.

İqtisadiyyat.az xəbər verir ki, müvafiq qərar ölkənin İqtisadi Məsələlər üzrə Dövlət Katibliyinin rəsmi saytında dərc edilib.

Siyahıda Belarus Daxili İşlər Nazirliyinin Mütəşəkkil Cinayətkarlıqla və Korrupsiyaya Qarşı Mübarizə Baş İdarəsinin (GUBOPiK) rəisi Andrey Ananenko, onun müavinləri Andrey Bedunkeviç və Dmitri Kovaç, DİN-in Baş Mütəşəkkil Cinayətkarlıqla Mübarizə İdarəsinin rəis müavini Dmitri Kovaç yer alıb. Eyni zamanda, siyahıda 11 saylı Volkovısk islah koloniyasının (Qrodno vilayəti) rəisi Viktor Dubrovka, Qrodno 1 saylı cəzaçəkmə müəssisəsinin rəisi Pavel Kazakov və onun müavini Vasili Koleda, Qomel 4 saylı cəzaçəkmə koloniyasının rəisi Denis Tolstenkov, Minskdəki 1 saylı istintaq təcridxanasının rəisi Andrey Tsedrik, “BelTA” dövlət xəbər agentliyinin baş direktoru İrina Akuloviç, “Belarus Today” nəşriyyatının baş redaktoru Dmitri Juk, bir sıra hakimlər və digər şəxslər də yer alıb.

Məhdudlaşdırıcı tədbirlərə aktivlərin bloklanması, İsveçrədə kreditlərin verilməsinə və böyük əmanətlərin qəbuluna qadağa, turist səyahətinə qadağalar və hava səyahətləri daxildir.