İsveçdə Qurban bayramında məscidin qarşısında Quran yandırılıb. 

İqtisadiyyat.az xəbər verir ki, İsveçin paytaxtı Stokholmda İraq əsilli Salvan Momika adlı şəxs Stokholm məscidinin qarşısında polisin mühafizəsi altında Quran yandırıb.

Momika ətrafdakıların reaksiyasına baxmayaraq, Quranı yerə ataraq üzərinə basıb, İslam dininə qarşı təhqiramiz sözlər söyləyib və müqəddəs kitabı yandırıb.

Stokholm Məscidlər Birliyinin sədri Mahmud Xəlfi təxribatın müsəlmanları dərindən kədərləndirdiyini bildirib: “Müsəlman üzvlərimiz bizə zəng edərək, müqəddəs dəyərlərinə edilən təhqirlərə görə çox incidildiklərini, narahat olduqlarını və özlərini təhlükəsiz hiss etmədiklərini bildirirlər”.

Artıq Türkiyə XİN başçısı Hakan Fidan mövzu ilə bağlı açıqlama verib, sözügedən təxribatı lənətlədiyini bildirib.