İsrailin xarici işlər naziri Eli Kohen Avropa İttifaqının ali nümayəndəsi Josep Borelin avropalı həmkarlarının Brüssel görüşünə qatılmaq dəvətindən imtina edib. 

İqtisadiyyat.az xəbər verir ki, bu barədə “The Times of Israel” qəzeti yazıb.

Kohen buna səbəb kimi fələstinlilərlə münaqişənin kəskinləşməsi ilə İsrailin “nəzəri müzakirələrə” vaxtı olmadığını göstərib.

"Biz ölülərimizi dəfn edərkən və cinayətkar terrorizmlə mübarizə apararkən, dünya açıq şəkildə İsraili dəstəklədiyi bir vaxtda balans və nəzəri müzakirələrə yer yoxdur. Yalnız Fələstin terrorizminə qarşı həlledici və barışmaz müharibə lazımdır", - Kohenin ofisindəki mənbə bildirib.