İsrail hərbçilərinin Livana endirdiyi zərbələr nəticəsində 25 nəfər həlak olub, daha 127 nəfər yaralanıb.

İqtisadiyyat.az xəbər verir ki, bu barədə EFE agentliyi Livanın Səhiyyə Nazirliyinə istinadən xəbər verir.

Bildirilib ki, öz növbəsində Livanın Hizbullah qruplaşması şənbə günü İsrailin şimalındakı müdafiə zavoduna raket zərbələri endirib. Bu hücumun nəticələri barədə hələ məlumat verilməyib.

İsrail son həftələr Livanda Hizbullaha qarşı hücumlarını intensivləşdirib. Həftənin əvvəlindən İsrail hərbçiləri sərhədə yaxın Hizbullah infrastrukturunu məhv etmək məqsədilə Livanın cənubuna məhdud miqyaslı reydlər keçirməyə başlayıb.