İqtisadiyyat.az xəbər verir ki, bu barədə "NetBlocks" internetin monitorinqi ilə məşğul olan qurum "X" sosial şəbəkəsində məlumat yayıb.

Məlumatda qeyd edilir: “Reallıqda şəbəkənin işləməsinə dair canlı göstəricilər göstərir ki, hazırda İranda internet ölkə üzrə demək olar ki, tam kəsilib”.

"NetBlocks" bildirir ki, bu hal İsrail ilə İran arasında artan hərbi qarşıdurma fonunda baş verib.

Bundan əvvəl, 15 iyun tarixində Elon Mask "Starlink" peyk interneti sisteminin artıq İran üzərində işlədiyini açıqlayıb. Bu bəyanatla Mask bir istifadəçinin onu İran vətəndaşları üçün Starlink-i aktivləşdirməklə bağlı paylaşımına cavab verib. Həmin istifadəçiyə görə, İran hakimiyyəti interneti etirazların koordinasiyasının qarşısını almaq üçün kəsib.