İsrail Hərbi Hava Qüvvələri (HHQ) Livanın "Hizbullah" hərəkatının lideri Həsən Nəsrullahı Beyruta zərbə endirərək öldürməyə etməyə çalışıblar, lakin əməliyyat uğursuzluqla nəticələnib.

İqtisadiyyat.az xəbər verir ki, bu barədə "əl-Ərəbiyyə" kanalı öz mənbələrinə istinadən məlumat yayıb.

"İsrail HHQ-nin Həsən Nəsrullanı Beyrutda öldürmək məqsədi ilə hava zərbələri uğursuzluqla başa çatdı", - deyə kanalın məlumatında bildirilib.

27 sentyabrda İsrail HHQ Beyrutun Dəhiyə rayonunun mərkəzi hissəsində yaşayış binalarının altında yerləşən "Hizbullah"ın baş qərargahına hava zərbəsi endirib. Bundan sonra hərbçilər təşkilatın baş katibi Həsən Nəsrullahın zərbə zamanı mərkəzi qərargahda olub-olmadığını araşdırmağa başlayıblar.

Qeyd edək ki, İsrailin baş naziri Benyamin Netanyahu BMT Baş Assambleyasında çıxış etmək üçün gəldiyi Nyu-Yorkdakı otelindən zərbə əmrini verib.