HƏMAS qruplaşması ilə müharibə İsrail iqtisadiyyatına gündə 260 milyon dollara başa gəlir.

İqtisadiyyat.az xəbər verir ki, bu barədə "Bloomberg" hesablamalar aparıb.

Ekspertlərin fikrincə, HƏMAS ilə münaqişənin nəticələri İsrail iqtisadiyyatı üçün ilkin olaraq gözlənildiyindən də baha başa gəlib. Bu hal Yaxın Şərq ölkəsinin 2024-cü il büdcəsinin qəbulunu xeyli çətinləşdirə bilər. Yaxın vaxtlarda maliyyə naziri Bezalel Smotriç ölkənin 2023-cü və 2024-cü illərin qalan hissəsi üçün büdcə layihəsini səlahiyyətli orqanlar tərəfindən yekun təsdiqi üçün təqdim etməli olacaq.

Agentliyin məlumatına görə, ölkənin Baş naziri Benyamin Netanyahu oktyabrda büdcə kəsirinin 2022-ci illə müqayisədə 7 dəfədən çox artmasına baxmayaraq, hökumət xərclərinin yekun layihəsində mübahisəli subsidiyaların saxlanmasında israrlıdır. Ötən ilin may ayında təsdiqlənmiş dövlət transfertlərinin ümumi məbləği isə 14 milyard şekeldir (3,6 milyard dollar).

 

Gözəl Həşimova