Ötən il İsrailin aldığı borcun məbləği 2 dəfədən çox artaraq 43 milyard dollara çatıb

İqtisadiyyat.az xəbər verir ki, bu barədə İsrail Maliyyə Nazirliyi məlumat yayıb.

Məlumata görə, 2022-ci ildə ölkə 17 milyard dollar borc alıb.

İsrailin borc məbləğinin artmasına səbəb Qəzzada HƏMAS qruplaşması ilə davam edən müharibədir. Bildirilib ki, ölkə ötən il aldığı borcun yarısını orduya xərcləyib.

İsrail Bankının son hesabatında İsrailin HƏMAS-la müharibəsinin dəyərinin təxminən 67 milyard dollara çatacağı və bu rəqəmin İsrail müharibəsi tarixində ən yüksək xərc olacağı bildirilib.

 

Gözəl Həşimova