"Təl-Əviv yaxınlığında yerləşən İsrailin ən böyük David Ben-Qurion Beynəlxalq Hava Limanı normal şəkildə işləməyə davam edir; uçuşların ləğvi ilə bağlı bütün qərarlar aviaşirkətlər tərəfindən özəl olaraq verilir". 

İqtisadiyyat.az xəbər verir ki, bu barədə İsrail Xarici İşlər Nazirliyinin mətbuat xidməti məlumat yayıb.

"Vətənə qayıtmaq istəyən xaricdəki israillilər üçün bildiririk ki, Ben-Qurion hava limanı uçuşlar və enişlər üçün açıqdır. Bəzi xarici aviaşirkətlər İsrailə uçuşları ləğv edib. Bu, şirkətlərin öz qərarlarıdır", - departamentin açıqlamasında deyilir.

Nazirlik əlavə edib ki, İsrail aviadaşıyıcıları müntəzəm uçuşları davam etdirir və dünyanın bir neçə nöqtəsindən uçuşların sayı da artır.