İqtisadiyyat.az xəbər verir ki, bu barədə "Hürriyət" məlumat yayıb.

Məlumata görə, Türkiyə Hərbi Hava Qüvvələri, İsrail təyyarələrini aşkar etdikdən sonra bir neçə "F-16" təyyarəsini havaya qaldırıb. İsrail pilotlarına dərhal Türkiyə hava məkanını tərk etmələri əmri verilib.

İnsident, müşahidəçinin qeyd etdiyi kimi, qəsdən törədilməmiş hesab edilib.

Qeyd edilib ki, İsrail Hərbi Hava Qüvvələrinin qonşu ölkələrin hava məkanından istifadə etməsi məsələsinə gəlincə, onlar Suriya və İraq üzərində uçuşlar həyata keçirirlər. Suriyada hava hücumundan müdafiə sistemi olmadığı üçün İsrail tərəfi uçuş üçün icazə istəmir. İraqın hava məkanı isə öz növbəsində ABŞ-nin nəzarəti altındadır və İsrail üçün açıq olub.

Bildirilib ki, bölgədə vəziyyətin pisləşməsi ilə əlaqədar Türkiyə hava məkanını daim izləyir.

 

Gözəl Azadəliyeva