İsrail Hərbi Hava Qüvvələrinin qırıcıları İsrail ərazisinin atəşə tutulmasına cavab olaraq Livanın cənubunda Hizbullah hərəkatının iki buraxılış məntəqəsinə hücum edib.

İqtisadiyyat.az xəbər verir ki, bu barədə İsrail Müdafiə Qüvvələrinin (IDF) mətbuat xidməti məlumat yayıb.

"Bu gün səhər saatlarında Livandan İsrailin şimalındakı bir neçə əraziyə bir neçə raket və mərmi buraxılışı qeydə alınıb. Tələfat barədə məlumat verilməyib", - bəyanatda deyilir.

"Bir müddət əvvəl IDF döyüşçüləri Livanın cənubundakı Aita əş-Şəb bölgəsində iki Hizbullah atışma məntəqəsinə hücum edib, hücumlar nəticəsində atışlar və ikinci dərəcəli partlayışlar qeydə alınıb", - deyə mətbuat xidməti əlavə edib.