İqtisadiyyat.az xəbər verir ki, bu barədə İsrail hökumətinin rəsmi nümayəndəsi David Menser brifinq zamanı bildirib.

“Hazırkı vəziyyətə görə razılaşmanın detalları hələ tam təsdiq olunmayıb”, – deyə o, vurğulayıb. 

Menser əlavə edib ki, hazırda Qətərin paytaxtında müvafiq danışıqlar davam edir. 

Yanvarın 16-da İsrailin Baş naziri Benyamin Netanyahunun ofisi HƏMAS rəhbərliyini vasitəçilərlə razılaşdırılmış bir sıra maddələri yerinə yetirməkdən imtina etməkdə ittiham edib. Bu səbəbdən İsrail hökuməti və hərbi-siyasi kabinet üzvlərinin razılaşmanın təsdiqi üçün iclas çağırmamağa qərar verib. Belə ki, Fələstin təşkilatı razılaşmanın bütün detallarını təsdiqləməyib.

Daha sonra vəziyyəti HƏMAS-ın siyasi bürosunun üzvü İzzət ər-Rişq şərh edib. O bildirib ki, Fələstin təşkilatı vasitəçilərin elan etdiyi İsraillə razılaşmaya sadiqdir.